Талапкерлерге мамандық таңдауға арналған кеңестер

Құрметті талапкерлер!

Мамандық таңдау - бұл маңызды ғана емес, сондай-ақ өте жауапты қадам. Бұл қадам сіздің болашақтағы кәсіби жолыңызға ғана емес, өміріңіздегі қанағаттанушылық пен өзіңізге деген сенімге де әсер етеді. Саналы таңдау жасау үшін келесі кеңестерді ұсынамыз:

1. Өзіңді таны

Қызығушылықтарыңды, қабілеттерің мен құндылықтарыңды анықта. Саған не ұнайды? Қандай пәндер оңай беріледі? Өзіңді сенімді сезінетін істерді ойла. Профориентациялық тесттерден өт - олар сенің мықты тұстарыңды анықтауға көмектеседі.

2. Тек «моданы» таңдама

Танымал мамандық - әрқашан сен үшін ең лайықтысы болмауы мүмкін. Өз қызығушылықтарыңа және мақсаттарыңа сүйен.

3. Мамандықты ішінен зертте

Таңдаған саладағы мамандар немен айналысатынын оқы. Мамандықтар туралы бейнематериалдар қара, сол саладағы адамдармен сөйлес. Болашақтағы өзіңді осы мамандықта қалай елестетесің - соны ойлан.

4. Мамандықты жеке қасиеттеріңмен сәйкестендір

Мысалы, егер сен ашық, тіл табыса алатын болсаң - адамдармен жұмыс істейтін мамандықтар жарасады. Егер сен мұқият және төзімді болсаң - техникалық және нақты бағыттар сен үшін. «Көптік интеллект» (Г. Гарднер) немесе «Карьерадағы құндылықтар» (Э. Шейн) әдістемелерін қолдан.

5. Еңбек нарығын ескер

Өз аймағың мен ел бойынша мамандықтың сұранысын зертте. Қандай дағдылар қазіргі уақытта және болашақта қажет екенін анықта. Бұл болашағы бар бағытты таңдауға көмектеседі.

6. Кеңес сұраудан тартынба

Егер өзіңе лайық мамандықты табу қиын болса, мектеп немесе колледж психологынан көмек сұра. Ол өзіңді жақсы түсінуге көмектесіп, қажетті ресурстарды ұсынады. Ата-анаңмен бірге Лисаков техникалық колледжіне немесе қабылдау комиссиясының сайтына ltk.edu.kz - «Талапкерге» бөлімін қараңыз. Ақпараттылық сенімсіздікті азайтып, сенімді шешім қабылдауға көмектеседі.

Есіңде болсын: дұрыс таңдалған мамандық - сенің жеке ерекшеліктеріңе, қызығушылықтарыңа және өмірлік мақсаттарыңа сай келетін мамандық. Ол тек табыс көзі емес, сонымен қатар шабыт пен қанағат әкелетін жол болуы керек.

Өзіңді шабыттандыратын болашақты таңда!

Құрметпен, қабылдау комиссиясының

төрайымы – колледж директоры

Кайпбаева Жулдыз Шамильевна