Мемлекеттік рәміздер күні — бұл біздің мақтанышымыздың, тарихымыздың, тәуелсіздігіміздің және бірлігіміздің белгісі.

Ту, Елтаңба және Әнұран — еліміздің тәуелсіздігі, бірлігі мен егемендігінің нышандары. Олар қазақ халқының мәдени мұрасын, тарихын және рухани құндылықтарын бейнелейді. Бұл - мемлекеттік бірегейліктің ажырамас белгілері, әр азаматтың бойында Отанға деген сүйіспеншілік пен мақтаныш сезімін тәрбиелейді.

Лисаков техникалық колледжі — бұл тек техникалық және кәсіптік білім берудің орталығы ғана емес, сонымен қатар Отанға деген сүйіспеншілік пен мемлекетке құрмет сезімі қалыптасатын орта. Біз жастарға білім беріп қана қоймай, олардың бойында азаматтық пен патриотизмді дамытуға ұмтыламыз.

Мереке аясында колледжде алғашқы әскери және технологиялық дайындық пәнінің жетекшісі Бабич П.П. басшылығымен саптық марш және патриоттық ән байқауы өтті. Бұл шарада студенттеріміз тәртіптілік, ұйымшылдық және мемлекеттік рәміздерге деген құрметтерін көрсетті.

Жоғары деңгейдегі дене дайындығы мен әскери-технологиялық білімдерін танытқан студенттер грамоталармен және алғыс хаттармен марапатталды. Олардың тәртіптілігі, жауапкершілігі және үздіксіз даму ұмтылысы - замандастарына үлгі болып, колледжіміздің мақтанышына айналды.